Նախագծի ժամկետները՝ դեկտեմբերի 1-30
Նախագծի մասնակիցները՝4-5-րդ դասարանցիներ
Նպատակը
<<Ամանոր>> նախագծի շրջանակներում ,սովորողների հետ միասին կիրագործենք մի շարք հետաքրքիր և ուսումնական նախագծեր,որի շնորհիվ կունենանք հետաքրքիր միջավայր,օրիգինալ ամանորյա խաղալիքներ և իհարկե միջավայրը կդառնա տոնական և հեքիաթային:Նախագծի ընթացքում սովորողների հետ կուսումնասիրենք ամանորի,,ավանդական տոնածառի,ամանորյա խաղալիքների ստեղծման մասին պատմող այլ հետաքրքիր տեղեկություններ և ավանդություններ:
Ունենալով ամենամյա այլընտրանքային և հետաքրքիր տոնածառ,այս տարի ևս Արևմտյան դպրոցի տոնածառը կտարբերվի իր յուրովի լուծումներով,լուսային և գունային էֆեկտներով և իհարկե կհիշեցնի հեքիաթից պոկված մի պատառիկի:Մնացյալ աշախատանքային պրոցեսը կտեսնեք բլոգում:
Խաղալիքների պատրաստման հետ կապված,որպես նյութ կօգտագործվի ոչ միայն կավը ,այլ նաև այլ տարբեր նյութեր։:Յուրաքանչյուր սովորող կունենա իր իսկ ձեռքերով ստեղծած խաղալիքը ,որը և իր պատվավոր տեղը կգրավի ընտանեկան տոնածառի վրա։Նախագիծը կլինի նաև ընտանեկան:
Ամանորյա նախագծերին կից կիրականացնենք հատակագծային ուսուցում, որի ընթացքում սովորողները կսովորեն , թե ինչպես կարելի է գծել յուրաքանչյուր տարածքի հատակագիծ: Նախագծի ընթացքում ամեն սովորող կներկայացնի իր իսկ սենյակի կառուցվածք-հատակագիծը, ինչպես նաև դպրոցի լաբորատորիաների և Արևմտյան դպրոցի հատակագծերը:
Բացի այդ, կիրականացնենք դպրոցի ձևավորման աշխատանքներ՝ գույքի ներկում և թարմացում:
Խնդիրներ՝
- Նոր մտքերի,ստեղծականության զարգացում
- միջավայրի նորովի ընկալում
- գեղագիտական ճաշակի ձևավորում
- ինքնուրույնության դրսևորում
- ծանոթություն նոր նյութերի և տեխնոլոգիաների հետ
- հատակագծի ուսուցում
Նախագծի լուսաբանումը կտեսնեք բլոգում և ենթակայքում։