Արտադրությամբ ուսուցում ՝ 4-5րդ դասարանի սովորողների ընտրությամբ գործունեության խումբ։ Թեման՝ կավե կենդանի զանգակների պատրաստում, դպրոց՝ արևելյան և արևմտյան դպրոց պարտեզներ։ Դրան կից պատրաստել ենք նաև փոքրիկ աղամաններ։
Համագործակցային նախագծեր
Արևելյան դպրոցում համագործակցային նախագիծ եմ իրականացնում Դիանա Գևորգյանի 2րդ դասարանի սովորողների հետ։ Թեման ՝ «Տիեզերք» նախագիծ ։ Պատրաստել ենք արեգակնային համակարգը մոլորակների հետ միասին՝ կանաչ կավով։
Արևմտյան դպրոցում համագործակցային նախագիծ եմ իրականացնում Նարեկ Հակոբյանի և իր սովորողների հետ։ Քանդակի ընտրությամբ գործունեության խմբի սովորողները պատրաստել են թրծակավից դիմակներ, որի նկարչական լուծումը կորոշեն արդեն դիզայն խմբի սովորողները։
Հավաքի շրջանակում համագործակցային հաջորդ նախագիծը 5 տարեկանների և Քոլեջի ուսանողների հետ է։ Միասին պատրաստելու ենք Թումանյանական հերոսներ՝ շերեփների վրա։ Աշխատանքը կանցկացնենք հոկտեմբերի 10ին՝ ժամը 10:30-ին տեխնոլոգիայի լաբորատորիայում։
Բոլոր աշխատանքները գտնվում են թրծման փուլում , այդ իսկ պատճառով նյութը լրամշակվող է։
Զառա Ոսկանյան 