Հունվարի 8-25-Նախագծային ուսուցման ուսումնական ճամբարներ կրթահամալիրի դպրոցներում: Ճամբարայի օրերի ընթացքում իր անընդհատ գորժունեությունը կշարունակի տեխնոլոգիական ջոկատը: Այս օրերի ընթացքում կիրականացնենք ամենահետաքրքիր և ամենաբազմազան գործունեությունները.
- ամանորյա արդ ու զարդի հավաքում
- խոհանոցային գործունեություն
- տիկնիկներ պատրաստում
- վարպետության դասեր սովորողների կողմից
- մարզական գործունեություն
- կավագործություն
- նկարչություն
- էստաֆետային խաղեր
- միջավայրային նախագծեր
- ցուցահանդես-վաճառքի կազմակերպում
Առաջին գործը, որ կարելի է անել ՝ օգտվել մայր բնության առաջարկած հումքից: Հենց էդպես էլ արեցինք, վազեցինք դուրս և հավաքեցինք մանր ծառի ճյուղեր: Դրանից հետո հավասարեցրինք ճյուղերն ու սկսեցինք պատրաստել փաթիլներ, աստղեր, եղևնիներ: Աշխատանքի վերջում ներկեցինք այն սպիտակ և դրանցով ձևավորեցինք մեր գլխավոր տոնածառն ու միջավայրը:
Այս տարբերակը ստեղծելու համար անհրաժեշտ է ունենալ ՝ տարատեսակ մակարոնե պատկերներ , սիլիկոնե սոսոինձ, աէրոզոլ ներկեր և ամենակարևորը՝ անսահման վառ երևակայություն: Աշխատանքի սկզբնական փուլում մակարոնները դասավորված կարգով սոսնձում ենք իրար և չորանալուց հետո ներկում:
Զառա Ոսկանյան 