Archive for Январь 2014
19 Янв
«Նկարչություն կտորի վրա» նախագիծ
Նախագծի մասնակիցները՝ 6-րդ դասարանցիներ
Նախագծի ժամկետները՝ երկարաժամկետ
Նպատակը
Նկարչություն կտորի վրա՝բատիկա:Ինքնին վերնագիրն արդեն ներկայացնում է ,թե ինչ հետաքրքիր աշխատանք է սպասվում սովորողներին նախագծի ընթացքում:Նպատակն այն է,որ սովորողը ծանոթանա արվեստի այս ճյուղի՝բատիկայի հետ,հասկանա նրբությունները,սերտի տեխնոլոգիան:Բատիկան ունի իր ուրույն աշխարհը իր լեզուն և ճաշակը:Այն ունի իր բարդությունները ,տեխնիկան,որի մասին նախագծի ընթացքում սովորողը կտեղեկանա և կկիրառի իր սեփական փորձով:Աշխատանքը ինքնին մեծ լրջություն և ուշադրություն է պահանջում:Նախագծի շնորհիվ սովորողը կներկայացնի իր ուրույն մտածելակերպը,ստեղծագործ միտքը և ճաշակը:Այն հնարավորություն կընձեռի տարբերվել բոլորից և ունենալ սեփական ձեռքերով ստեղծած գլխակապը կամ վզկապը:
Նախագիծը թույլ կտա մտածել ավելի ազատ,հետաքրքիր և օրիգինալ:Թեման կլինի ազատ:Յուրաքանչյուր սովորող կներկայացնի իր գլխակապը կամ վզկապը և կմեկնաբանի այն և կգնահատվի:Նախագծի ընթացքում ձեռք բերած հմտությունները բատիկայի տեխնոլոգիայի,տեսակների և կիրառման ձևերի մասին մեծ նշանակություն և հետք կթողնեն սովորողի ստեղծագործական մտքի վրա և կձևավորի գեղագիտական ճաշակ:
Խնդիրներ
- ծանոթություն բատիկա հասկացության հետ
- բատիկայի ներկանյութերի և տեխնոլոգիաների մասին նյութերի դիտումներ
- նախնական էսքիզների մշակում
- նկարչական ժանրերի մասին քննարկում,թեմայի ընտրություն
- նոր մտածելակերպի զարգացում և ինքնուրույնության դրսևորման ձևավորում
- ձեռք բերած հմտությունները կիրառելու կարողություն
- գեղագիտական ճաշակի ձևավորում
Նախագծի ավարտը կտեսնեք բլոգում և ենթակայքում:
18 Янв
Դիջի-սիմվոլների ստեղծում՝ ԴԻՋԻԴԴՈՒՄ 2014
Նախագծի ժամկետները՝հունվարի14 –փետրվարի 14
Նախագծի մասնակիցները՝4-րդ դասարանի սովորողներ
Նպատակը.
«Դիջի-սիմվոլների ստեղծում»նախագծի ընթացքում սովորողների հետ միասին կստեղծենք մի շարք հետաքրքիր սիմվոլներ ,որոնք կպատրաստենք կավից,դե իհարկե Դիջիթեքյան թեմայով:
Նախագիծը հնարավորություն է տալիս սովորողին առավել հետաքրքիր ներկայանալ և հանդես գալ նոր մտքերով:Սիմվոլները կարող են լինել տարբեր տեսակի,ձևի,որոնք ի վերջո կդառնան կախազարդեր:Սիմվոլները սովորողների մոտ կձևավորեն առարկան կիրառելի դարձնելու կարողություն:
Որպես Դիջի-սիմվոլի խորհրդանիշ ընտրվել է Դիջիդդումը,քանի որ Դիջիթեքյան օրերն համընկնում են Ղափամայի ծեսի հետ:Դե ինչ,աշխատանքային պրոցեսն արդեն սկսված է :
Խնդիրներ.
- Սիմվոլի ստեղծման էսքիզների կատարում
- Ծանոթություն սիմվոլ,խորհրդանիշ հասկացությունների հետ
- Նոր մտքերի,ստեղծականության զարգացում
- Կավե սիմվոլի ստեղծման տեխնոլոգիայի կիրառում
- Ներկման ,թրծման փուլերի հետ ծանոթություն
- Ձևավորել ստեղծածը կիրառելու և նվիրելու կարողություն
- Վերջնական արդյունքի հաստատում
Վերջնական արդյունքը կտեսնեք բլոգում և ենթակայքում,ինչպես նաև Դիջիթեքյան մրցանակների հայտարարման ժամանակ:
Վերջնական արդյունքը հետաքրքիր է լինելու,պարզապես սպասել է պետք:
16 Янв
Դիջի-սիմվոլ՝Դիջիդդում 2014
Ամենամյա Հանրակրթական Դիջիթեք միջազգային ստուգատեսը մեզ հնարավորություն է տալիս առավել հետաքրքիր ներկայանալ , ստեղծել և հանդես գալ նոր մտքերով:Այդ իսկ պատճառով,սովորողների հետ միասին որոշեցինք ստեղծել Դիջի-սիմվոլներ,որոնք դառնալու են կախազարդեր:Դիջի-սիմվոլի խորհրդանիշ ընտրեցինք Դիջիդդումը,քանի որ Դիջիթեքյան օրերն համընկնում են Ղափամայի ծեսի հետ:Նախնական աշխատանքներն արդեն սկսված են:Սովորողները մեծ ոգևորությամբ են աշխատում:Վերջնական արդյունքը կտեսնեք Դիջիթեքյան մրցանակների հայտարարման ժամանակ:
Վերջնական արդյունքը հետաքրքիր է լինելու,պարզապես սպասել է պետք:
3 Янв
Դիջիպատում 2013-2014
2013-2014ուստարվա առաջին կիսամյակն ինձ համար իրական ձեռքբերումների շրջան էր:
Այս տարվա ընթացքում ունեցել եմ մի քանի ձեռքբերումներ:Առաջին ձեռքբերումն այն է,որ կարծում եմ կարողացել եմ մեծ սեր և հետաքրքրություն առաջացնել սովորողների մոտ իմ դասավանդած առարկայի նկատմամբ:Դասավանդելով նկարչություն և խեցեգործություն ,փորձել եմ հասկանալ սովորողների նախասիրությունները,նրանց ներքին աշխարհը,ստեղծագործ ոգին:Փորձել եմ սովորողների մոտ զարգացնել,սովորեցնել և ծանոթացնել հազարամյակներ առաջ ստեղծված արվեստի՝խեցեգործության հետ,ինչպես նաև պատմել դրա օգտակարության և կիրառելի լինելու մասին:Յուրաքանչյուր սովորող իր ստեղծած կավե առարկան փորձել է դարձնել կիրառելի,ինչը մեծ ոգևորություն է առաջացրել:
Ուսումնական օրացույցի առկայությունը հնարավորություն է տվել ուսուցումը հիմնականում իրականացնել նախագծերի մեթոդով:Յուրաքանչյուր նախագիծ սկսելուց առաջ նշվել են ժամկետներ՝սկիզբ,ընթացք,ավարտ:Նախագծային ուսուցման շնորհիվ դասընթացը կազմակերպվել է առավել հետաքրքիր,ստեղծական և արդյունավետ:Իհարկե նախագծային ուսուցման ընթացքում յուրաքանչյուր սովորող իր ուժերի չափով է ներկայացել և գնահատվել:Սեպտեմբերից մինչև հիմա իրականացրել ենք մի քանի նախագծեր,որոնք շատ արդյունավետ,հետաքրքիր արդյունք են ունեցել և մեծ արձագանք ստացել:Նախագծերին կարող եք ծանոթանալ բլոգի Նախագիծ և Նախագծի ավարտ բաժիններում:
Կարևոր նվաճում եմ համարում նաև Ամանորյա տոնածառի և ներքին ձևավորումների համար կատարված աշխատանքը:Արդյունքը կարծում եմ ստացվեց հետաքրքիր և օրիգինալ:
2014-ի գլխավոր անելիքը
Ունենալով փոքր-ինչ փորձ,կարծում եմ նախագծերը 2014-ին կլինեն առավել մշակված և բազմազան,որի շնորհիվ կունենանք առավել հետաքրքիր միջավայր:
Իսկ վերջում որպես առաջարկություն կամ խնդրանք ամենքիս.լինենք միմյանց նկատմամբ ավելի ուշադիր,օգնող և սրտացավ: