Նոյեմբեր ամսվա նախագծերը մի քանիսն են: Այս ամսին նախատեսվում է իրականացնել և շարունակել «Արտ միջավայր» նախագիծը, որի ընթացքում կշարունակենք բարեկարգել և ավելի հետաքրքիր դարձնել մեր միջավայրը.
- պարտիզապուրակային նկուղի աշխատանքներ
- խոհանոցի ջեռակների ներկում
- բնագիտության լաբորատորիայի աշխատանքներ
- հյուրատան ջահերի ստեղծում
- ցուցահանդեսի կազմակերպում
Հյուրատան հին ջահերին այս անգամ փոխարինելու են նոր կավե զեփյուռիկները, որոնք էլ ավելի հետաքրքիր կդարձնեն մեր կանաչ միջավայրը: Նախնական շրջանում սովորողների հետ կավից դետալներ կպատրաստենք, այնուհետև կդասավորենք կլոր մետաղալարի վրա և մեր հետաքրքիր ջահերը պատրաստ կլինեն ընդունելու տարատեսակ հյուրերի:
Նոյեմբեր ամիսն առավել անմոռանալի դարձնելու համար արևմտյան դպրոցի սովորողների աշխատանքները կներկայացվեն ամփոփիչ ցուցահանդեսի տեսքով:
Նախադպրոցական մանկավարժական աշխատողների այսօրվա վերապատրաստման մեկ ժամը տեխնոլոգիական էր: Մինչ աշխատանքը սկսելը վերապատրաստվողները ծանոթացան տեխնոլոգիայի լաբորատորիայում գտնվող սովորողների պատրաստած աշխատանքներին: Գունավոր և հետաքրքիր միջավայրն ուսումնասիրելուց հետո ավելի կոնկրետ սկսեցինք մեր տիկնիկագործության դասընթացը: Առաջադրանքը բացատրելուց և ցուցադրելուց հետո անցանք գործի: Աշխատանքի նախնական փուլում վերապատրաստվողները աշխույժ ու ոգևորված սկսեցին իրենց աշխատանքը, ինչն, իհարկե, շատ կաևոր է աշխատանքի հաջորդ փուլերի և վերջնական արդյունքի հասնելու համար: Դե ինչ, տիկինիկագործության մեր սեմինարը կլինի շարունակական: Աշխատանքի մասին պատմող նյութի ամփոփումը կարող եք տեսնել բլոգում:
Զառա Ոսկանյան 